Rugino Simileer a gana auto cu Frisian Flag

“El a gana cu e miho slogan pa e lechi mas popular:

Siendo e prome linea cu e compania Compra Ltd. a cuminsa representa 65 aña pasa, Frisian Flag a opta pa tene un campaña pa busca un slogan nobo pa nos isla. Como premio a pone un auto Hyundai EON 2014 como premio.

 E hoben Rugino Simileer biba na Palm Beach # 24-C a participa cu e slogan “Frisian Flag, dushi awe, bon pa mañan”. E tabata un di e mas o menos 2 mil participantenan, tur cu diferente slogan buscando pa por gana e premio.

 Compra Ltd. a hay’e cu un trabou pisa pa por a repasa cada un di e slogannan aki. Na final a scoge 10 finalista, di cual un cuerpo di hurado, experto riba tereno di mercadeo y promocion, a scoge e miho slogan. E miembronan di hurado tabata Patrick Paskel, Shahaira Labad, Juan Torres, Steve Francees y Magriet Pourier.

Despues di a repasa tur e slogannan y a scoge e ganado, Hubert Dirksz, gerente general di Compra Ltd. hunto cu Patrick Duin, representante di Frisian Flag di Hulanda, a anuncia e ganado. Ambos a expresa nan aprecio pa e sosten y lealtad di e pueblo di Aruba, kende a respalda e producto di generacion pa generacion. Desde 65 aña pasa Frisian Flag ta un lider den mercado, te awe ainda.

Diariamente e lechi aki ta forma un parti integral den bida di e famianan di Aruba, cu lechi den forma di polvo, lechi den paki, lechi pa bebe koffie, chocolade melk “Choq”, etc. Na tur, Frisian Flag ta bende mas o menos 20 diferente producto riba nos isla.

E ganado a keda masha contento cu su premio. El a conseha tur hende pa sigui bebe e miho lechi di mundo, pero specialmente na Aruba….lechi Frisian Flag.