2013 tabata un aña hopi activo pa cu e empleado di Compra N.V.  Un idea cu a start di un grupo chikito di empleado awor a crece y bira un cultura den e compania na unda cu Compra N.V. tin un grupo grandi ta participa den cada caminata cu ta wordo organisa.

Compra N.V. sigur ta sostene y apoya tur e empleado aki cu nan decision pa hinca movecion den nan rutina pa asina hiba un bida mas saludabel. Impresionante di mira ta con e grupo ta mas cu mitad di e total empleado di Compra N.V. y tambe con cada empleado a cuminsa trece nan pareha y yiunan pa asina join e trend nobo.

Un parti di e ComprActivo a bay weekend pasa Curacao pa asina atende e famoso Guardian Loop 2013 cu ta wordo organisa pa mas di 30 aña.  E tabata un evento exitoso na unda Aruba a wordo bon representa door di varios grupo. Mayoria di premio a wordo gana pa coredor di Aruba cu ta haci nos ainda mas orguyoso di tabata presente den e evento.

Pabien na e grupo ComprActivo y tambe na tur coredor di Aruba cu a bay Curacao. Specialmente un pabien na Paul de Nobrega ; empleado di Compra N.V. cu a gana 3rd place den su categoria y pabien na tur e representantenan  di Aruba cu a cay den premiacion. Pabien!