Un proyecto piloto na 5 scol primario

Informacion semper ta hopi esencial y importante y pa e motibo aki Frisian Flag ta introduci su projecto “Van Gras tot Glas” pa asina informa tur muchanan cu ta atende scol primario e origen y proceso cu ta pasa cu e lechi cu tanto nan ta gusta.

Un glas di lechi ta yena cu nutrientenan esencial cu ta hopi importante pa un dieta balansa conteniendo proteina, calcium y phosphorous. Den lechi tambe ta encontra e componente di energia cu ta wordo extrae door di e sucu den e lechi cu ta duna e curpa e energia natural pa por funciona ideal cu ayudo di vitamina B2 y B12. Lechi ta enrekesi cu B12 cu ta importante pa cu e funcionamente di e sistema immunologico y imporante pa e persona cu no ta consumi carni.

E idea tras di e proyecto aki ta ser haci tur caminda cu Frisian Flag ta wordo exporta y nos a start na Aruba cu 5 scol. E idea tras di e proyecto aki ta uno cu lo wordo duna na tur scol den derde of vierde klas (cada scol ta dicidi den cua klas e lo wordo implementa) pa asina educa nos muchanan cu lechi no ta bin di un paki sino cu e ta bin di un baca y e proceso cu Friesland Campina tin pa asina retene tur e nutriente di e lechi pa nos tur por tin na cas un producto hopi saludabel cu ta lechi Frisian Flag.

Un proyecto hopi educativo y hopi entreteni pa asina tene atencion di e muchanan y informa nan riba e tema.  Un buki special a wordo crea pa entrega na e scolnan di Aruba den e idioma hulandes y den dje tin texto, puzzel, informacion y un pagina pa kleur.

Danki na e 5 scolnan:  Colegio Cristo Rey, Colegio Hilario Angela, Graf von Zinzendorf School, Mon Plaisir Basis School y Colegio Conrado Coronel cu na momento cu nos a acerca nan, nan tabata man habri pa asina bira parti di e proyecto piloto aki pa asina educa nos muchanan mas ariba e tereno di lechi y con importante e ta pa e curpa y den un dieta saludabel.  Pa aña escolar 2014-2015, Compra y Frisian Flag tin e deseo di wak esaki aki riba pia na tur scol y lo ta asercando mas di e scolnan cu e proyecto aki. Den caso cu tin scol cu nos no a logra di haña contacto cu mester di mas informacion of interes pa start e proyecto por tuma contacto cu Compra N.V. of e-mail na info@compra-aruba.com